1
مِش بَس خالِق كُل حاجَة بِالجَمال
دَه انتَ اللِّي خالِق الجَمال ما انتَ الجَمال
بِالفَنّ والإبدَاع رَسَمت انتَ الوجود
ووجودَك انتَ في الوجود هوَّ الكَمال
تِسلَم إيديك
ما احلى الجَمال اللِّي انتَ بيه أبدَعت كُل الدُّنيا دي
دَه جَمال عينيك
هوَّ اللِّي شاف كُل الخَليقَة حِلوَة بِتشاوِر عَليك
تِسلَم إيديك
(تك 1: 31)تلميح
وَرَأَى اللهُ كُلَّ مَا عَمِلَهُ فَإِذَا هُوَ حَسَنٌ جِدًّا. وَكَانَ مَسَاءٌ وَكَانَ صَبَاحٌ يَوْمًا سَادِسًا.
2
قُدَّام جَلالَك رَبِّي باسجُد بِاحتِرام
مَسبي بجَمالَك مَهما اقول عِجِز الكَلام
مَعقول تِشَكِّلني واكون حِلو في عينيك
تِدِّيني عُمر بكِلمَة وبلَمسِة إيديك
تِسلَم إيديك
ما احلى الجَمال اللِّي انتَ بيه فَكَّرت فيَّ خَلَقتِني
دَه جَمال عينيك
هوَّ اللِّي شافني صورَة مِنَّك صورَة بِتشاوِر عَليك
تِسلَم إيديك
تِسلَم إيديك فِضلِت تِكَمِّل وبجَمال
وافقِت تِسَمَّر إيد يَسوع إيد الكَمال
والصًّورة تِكمَل فوق صَليب ولا في الخَيال
مَجروحَة إيدُه وجَرحُه قابلُه مِن إيديك
تِسلَم إيديك
ما احلى الجَمال اللِّي انتَ بيه اختَرت موت تِحييني بيه
دَه جَمال عينيك
هوَّ اللِّي شاف في جُروح يَسوع لون المَحَبَّة الواضحَة دي
تِسلَم إيديك
(تك 1: 27)تلميح
فَخَلَقَ اللهُ الإِنْسَانَ عَلَى صُورَتِهِ. عَلَى صُورَةِ اللهِ خَلَقَهُ. ذَكَرًا وَأُنْثَى خَلَقَهُمْ.
