|
|
|
| |
1 (ربي عايشين وسط دنيا إنت أدرَى مِنّا بيها كل حاجة فيها تِوجَع ويا عالِم إيه ماليها عايشة فيها النّاس مظاهر والدَّواخِل جُوّا تِحزِن ولِسان حالها بيحكي نِفسي ألقى الرَّاحة فيها)2 (دا اللّي مِستنَّيها تِحلا أو مأمَّل فيها لحظة يبقى ظنّه فيها خايِب ولا يِستأمنها بُكرَه مِش تشاؤم دي الحقيقة فكَّر فيها لو دِقيقة كلّ واحد فيها ماشي بَسّ مِش باينه له سِكّة)2
2 (واللّي فاكِر ليها عَدْلَة راح تجِيها بعد مِيل وانتظارُه طال وعشمان لو لِلَحظة مِنها خير واللّي حظَه كان قَليَّل ويادوب أخد له كِيل يعرف إنّ الدنيا خايبه وِالكريم فيها بخيل)2 (دا الكتاب سبَق وقالها احنا عايشين وِسط لِيل بَسّ جاي نهار جِديد جاي بعد ليل طويل واللّي حُزنه كان مِطوِّل أو مُهَمَّش مِن كتير راح يعوَّضُه زياده أصله مصدر كلّ خير)2 (يو 16: 33)تلميح قَدْ كَلَّمْتُكُمْ بِهذَا لِيَكُونَ لَكُمْ فِيَّ سَلاَمٌ. فِي الْعَالَمِ سَيَكُونُ لَكُمْ ضِيقٌ، وَلكِنْ ثِقُوا: أَنَا قَدْ غَلَبْتُ الْعَالَمَ».
3 (وَأمَّا يُحبُك في ضيقها آجي أرفع عيني ليك ألقَى طاقه مفتوحه ليَّ وابتسامه من عينيك ألقى حِضنك جاي يطمِّن رغم عيشتي وِسط ضيق والأنين والشّكوى تبرَد لما ألقى سلامي فيك)2 (لُولا إحنا لسَّه فيها والسَّلام في أراضيها كان زمانها شكل تاني والغضب كان جِا عليها دا اللّي فيه دلوقتي أرحَم بسّ مين يِعرف ويِفهم جُوَّا فُلك النّعمه أدخُل دا الطّوفان هايجِيب عالِيها)2 (تك 7: 1)تلميح وَقَالَ الرَّبُّ لِنُوحٍ: «ادْخُلْ أَنْتَ وَجَمِيعُ بَيْتِكَ إِلَى الْفُلْكِ، لأَنِّي إِيَّاكَ رَأَيْتُ بَارًّا لَدَيَّ فِي هذَا الْجِيلِ.
4 ويا اللّي مِحتار من ذنُوبك مِش عارف على فين ترُوح كُلّ يوم تِجرح في نَفسك واتملا قلبك جُرُوح زَيّ مجنون ولا دارِي عاملَه إيه فيك الخطيَّة مقَيَّدَاك وانتَ أسيرها فين ما هيّ تكون تروح دا المسيح حَبَّك محبَّه لو تشوفها قدّ إيه تِرمي كُلّ غالي عندُه وترمي نفسك بِين إيديه هُوّ جاي يفكّ أسرَك لو توافق تِبقى ليه تِبقى حُرّ ومِن ساعِتها يِبقى فِيك وتبقى فيه 1/2(يو 8: 36)إعادة صياغة فَإِنْ حَرَّرَكُمْ الابْنُ فَبِالْحَقِيقَةِ تَكُونُونَ أَحْرَارًا. (يو 15: 4)تلميح اُثْبُتُوا فِيَّ وَأَنَا فِيكُمْ. كَمَا أَنَّ الْغُصْنَ لاَ يَقْدِرُ أَنْ يَأْتِيَ بِثَمَرٍ مِنْ ذَاتِهِ إِنْ لَمْ يَثْبُتْ فِي الْكَرْمَةِ، كَذلِكَ أَنْتُمْ أَيْضًا إِنْ لَمْ تَثْبُتُوا فِيَّ.
المزيد: الغربة والحنين للسماء ←المزيد: رجاء وتفاؤل ←المزيد: الضيق والتجارب ←
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع