أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة قام من موته *

 

1- المجدلية ف فجر الحد... ماشية ورايحة لقبر حبيبها
وخيوط النور لسة بتتمد... واخدة معاها حنوطها وطيبها
ماشية تفكَّر في الأحداث... وأفكارها توديها وتجيبها
صورته وهو علي الصليب... وموته ودفنه مش بتسيبها

ق : قام من موته بنصرة قوية..غلب الهاوية ومش غالباه
إدَّا الثقة من تاني لبطرس...طمن توما وشكُّه محاه

2- من بعيد شافت القبر...والحجر عن بابه مرفوع
جريِّت بصِّت فيه مالَقِتش...غير أكفان الرب يسوع
وقفت حيرانة وبتسأل... وعنيها مليانة بدموع
مين أخد جسد الرب...وفي أي مكان ياتري موضوع

3- من جوة القبر ناداها ملاك...ليه طالبة الحي من الأموات
ده قام م القبر وداس الموت...وقيامته أكيد كانت إثبات
تحقق كل كلام مكتوب...وأي إشارة في نبوات
يُصلَب ويموت لكن هيقوم...ويصعد إلي أعلي السماوات

____________________
* كلمات: إبراهيم عزيز - ألحان: سامح عطا - ترنيم: كورال ثمر الروح بكنيسة الشهيد مارجرجس بحدائق المعادي (أداء فردي: كارين أنور - رامز نعيم).

---