سمعت ماما لساني بيشتم
عملتها لي حكاية كبيرة
مسكت إيدي وراحت وقفت
عند مرايه في أوضتي كبيرة
وقالتلي بص على لسانك
إتملى بشتيمتك دي نقط
كلها سودا ومش راح تنضف
غير لو تبت كفاية غلط
أنا قمت جريت وغسلت لساني
مشهشتم أبداً تاني
إنت يا بابا يسوع تسامحني
وماما كمان هي مسامحاني
بعد يومين ورتني إيده
جرح صغير لسه معلم
وقالت برضه الكلمة الوحشة
في قلب الناس توجع وتعلم
مهمما إتأسفت ولما ندمت
ما بترجعش الكلمة الوحشة
علشان كده بالحب إتكلم
شيل من قلبك كل القسوه
(أف 4: 29-32)تلميح
(29) لَا تَخْرُجْ كَلِمَةٌ رَدِيَّةٌ مِنْ أَفْوَاهِكُمْ، بَلْ كُلُّ مَا كَانَ صَالِحًا لِلْبُنْيَانِ، حَسَبَ الْحَاجَةِ، كَيْ يُعْطِيَ نِعْمَةً لِلسَّامِعِينَ. (30) وَلَا تُحْزِنُوا رُوحَ اللهِ الْقُدُّوسَ الَّذِي بِهِ خُتِمْتُمْ لِيَوْمِ الْفِدَاءِ. (31) لِيُرْفَعْ مِنْ بَيْنِكُمْ كُلُّ مَرَارَةٍ وَسَخَطٍ وَغَضَبٍ وَصِيَاحٍ وَتَجْدِيفٍ مَعَ كُلِّ خُبْثٍ. (32) وَكُونُوا لُطَفَاءَ بَعْضُكُمْ نَحْوَ بَعْضٍ، شَفُوقِينَ مُتَسَامِحِينَ كَمَا سَامَحَكُمُ اللهُ أَيْضًا فِي الْمَسِيحِ.
