1
عندي حكاية
أقولها للأولاد
أولاد أصحابي
ومن كل البلاد
حكاية عني
وعن يسوع حبيبي
ونصرتنا الأكيدة
على مكر الشيطان
(فتَّحوا ودانكم
وانتبهولي كويس
عشان تنتصروا دايمًا
وتبقوا في أمان)2
2
في الضلمة ماشي
في مرة من المرات
جالي يتسحَّب
كأمكر الحيات
حاول يقول لي
دا أنت ماشي لوحدك
وفي الضلمة إنت خايف
قوام هات إيدك هات
(قلت له امشي
لأني مش لوحدي
يسوع ماسك بإيدي
وهو عشاني مات)2
1/2(تك 3: 1)تلميح
وَكَانَتِ الْحَيَّةُ أَحْيَلَ جَمِيعِ حَيَوَانَاتِ الْبَرِّيَّةِ الَّتِي عَمِلَهَا الرَّبُّ الإِلَهُ، فَقَالَتْ لِلْمَرْأَةِ: «أَحَقًّا قَالَ اللهُ لَا تَأْكُلَا مِنْ كُلِّ شَجَرِ الْجَنَّةِ؟»
(إش 41: 13)تلميح
لأَنِّي أَنَا الرَّبُّ إِلَهُكَ الْمُمْسِكُ بِيَمِينِكَ، الْقَائِلُ لَكَ: لَا تَخَفْ. أَنَا أُعِينُكَ.
3
وفي مرة بالعب
مع ابن الجيران
جه قالي اكذب
عشان تبقى الكسبان
قلت له لأ
يسوع راح يزعل مني
وقلبي مش هايفرح
مادام هو زعلان
(قام فرّ مني
وجه جنبي يسوعي
في لحظة لقيته جنبي
وحسّيت بالأمان)2
(يع 4: 7)تلميح
فَاخْضَعُوا للهِ. قَاوِمُوا إِبْلِيسَ فَيَهْرُبَ مِنْكُمْ.
4
خدها نصيحة
على مرّ الأيام
إبليس لو جالك
ماتسمعلوش كلام
قول له يا شاطر
ماتتشطرش عليَّ
عشان أنا مش قدَّك
مالكش معايا كلام
(إن كنت شاطر
تروح تتحدّى ربّي
وهو هيوريلك
ويغلبك كمان)2
(1 بط 5: 8)تلميح
اُصْحُوا وَاسْهَرُوا. لأَنَّ إِبْلِيسَ خَصْمَكُمْ كَأَسَدٍ زَائِرٍ، يَجُولُ مُلْتَمِسًا مَنْ يَبْتَلِعُهُ هُوَ.
