1
خليني لمَّا افتح عِيني
أوِّل فكره يا ربّ تجيني
إني أقوم واقعُد وَيَّاك
وأسمع صُوتك جوا كلامك
تِملا اليوم بصُوتك وسلامك
تكشف ليَّ إيه جوَّاك
(مز 5: 3)تلميح
يَا رَبُّ، بِالْغَدَاةِ تَسْمَعُ صَوْتِي. بِالْغَدَاةِ أُوَجِّهُ صَلاَتِي نَحْوَكَ وَأَنْتَظِرُ.
قرار
(كُلَّك مشتهيات يا حبيبي
تستاهل سجودي وطيبي)2
(باقعد قدامك بارتاح
تحت جناحك غِنَى وافراح)2
(مز 17: 8)تلميح
احْفَظْنِي مِثْلَ حَدَقَةِ الْعَيْنِ. بِظِلِّ جَنَاحَيْكَ اسْتُرْنِي
2
دا كلامك مِش أيّ كلام
بياخدني لخطوات قُدَّام
ويغيَّر جهلي للنُّور
دا طعامي وَسط البرِّيَّه
ساند قلبي حافظ رِجليَّ
ياخد عيني من المنظور
(مز 119: 105)تلميح
سِرَاجٌ لِرِجْلِي كَلاَمُكَ وَنُورٌ لِسَبِيلِي.
3
أنا ساجد بخشوع باخضع لك
وبقلبي باسكُت واسمَع لك
في المخدع علِّمني أعيش
طالب شُوقي يزيد جُوَّايَ
أختلي بِيك وأدوب في الآيه
زيَّك في جمالَك دا ما فيش
(مت 6: 6)تلميح
وَأَمَّا أَنْتَ فَمَتَى صَلَّيْتَ فَادْخُلْ إِلَى مِخْدَعِكَ وَأَغْلِقْ بَابَكَ، وَصَلِّ إِلَى أَبِيكَ الَّذِي فِي الْخَفَاءِ. فَأَبُوكَ الَّذِي يَرَى فِي الْخَفَاءِ يُجَازِيكَ عَلاَنِيَةً.
