كلمات ترنيمة أنا عندي كمبيوترأنا عندي كمبيوتر

أنا عندي كمبيوتر جواه ألعاب جنان جديد وشاشته كبيرة أحلى من بتاع الجيران

وبقيت شاطر في لعبه وبتبهرني الألوان مش فاضي لأي حد وبقى وقتي مليان

وفي يوم صاحبي كلمني قال لي يا عم إنت فين مابقاش حد بيشوفك العب ماتش ولا اتنين

ما أنا كنت بالعب كورة في الشمس والهوا وكنا شلة كبيرة على طول نلعب سوا

أيوه باحب الكمبيوتر لكن بقيت لوحدي ونسيت نفسي وصاحبي اللي أغلى حاجة عندي

صاحبي هيكبر معايا صاحبي هيسمعني صاحبي بيلعب معايا لما باعيا بيسأل عني (أم 17: 17)تلميح اَلصَّدِيقُ يُحِبُّ فِي كُلِّ وَقْتٍ، أَمَّا الأَخُ فَلِلشِّدَّةِ يُولَدُ.

صاحبي بيحس بي صاحبي بيشاركني صاحبي فرحة لي يضحك ويضحكني

صاحبي مش كمبيوتر صاحبي زيي إنسان صاحبي عنده قلب عنده عينين وودان (سي 6: 14-17)تلميح (14) الصَّدِيقُ الأَمِينُ مَعْقِلٌ حَصِينٌ، وَمَنْ وَجَدَهُ فَقَدْ وَجَدَ كَنْزًا. (15) الصَّدِيقُ الأَمِينُ لَا يُعَادِلُهُ شَيْءٌ، وَصَلاَحُهُ لَا مُوَازِنَ لَهُ. (16) الصَّدِيقُ الأَمِينُ دَوَاءُ الْحَيَاةِ، وَالَّذِينَ يَتَّقُونَ الرَّبَّ يَجِدُونَهُ. (17) مَنْ يَتَّقِ الرَّبَّ يَحْصُلْ عَلَى صَدَاقَةٍ صَالِحَةٍ، لأَنَّ صَدِيقَهُ يَكُونُ نَظِيرَهُ.