أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة فلك نوح: لما شر الناس كتر *

 

(لما شر الناس كتر               حزن الله على الإنسان

وسط العالم الكبير        بعيلة واحدة كان فرحان) (2)

(قال لجدو نوح البار             ابني سفينة تلات أدوار

هتكون فلك نجاة ليكم        علشان راح أبيد الأشرار) (2)

(يللا خد عيلتك في الفلك            يبقوا كلهم في أمان

وكمان خد اتنين اتنين               من كل نوع حيوان) (2)

 

(بنى ودخل نوح الفلك               هو وعيلته والحيوان

والأشرار بيضحكوا ضحك         فلك ع الرملة ده جنان) (2)

(آدي الفيل فلفول يتدحرج           ويا العصافير كان بيهرج

وآدي خروف خرخر ومراته               وست معزة وجوزها مزعج) (2)

(حوحو حمار طيب يتمختر         ويا زرافة وجوزها زرزر

وزواحف في الأرض تحفر         ويا طيور الهوا بتطير) (2)

 

(أجرة كل خطية شوك              اللي يغرق فيها يموت

لكن اللي يسهر ويتوب              مكانه معدود في الملكوت) (2)

(راح الله نزل مطرة             والمطرة بقت فيضان

والفيضان بقى طوفان               تش تش تش تش تش تش تش) (2)

(غرق الشر والأشرار               وجوة المية فش فش فش

كان أجدع واحد عوام        قدام الطوفان بيكش) (2)

 

(بعد ميه وخمسين يوم              وقف الفلك على أراراط

راحت حمامة ورجعت              بورقة غصن زيتون خضرا) (2)

(قوس ألوان علامة أمان            لا فيه ميه ولا فيضان

بارك الله نوح واولاده        في عهد جديد مع الإنسان) (2)

(علشان نوح بيحب الله              كان دايماً حافظ وصاياه

ربنا من الطوفان نجاه               جوه كنيسته ف فلك نجاه) (2)

____________________
*

---