1
انا مديون للحب الأبدي
اللي في قلبك ليا
دايما بالقاك انت في صفي
حتي ان كله عليا
تقدر ترفع تسند ضعفي
ايدك ربي قوية
قرار
باخجل قدام كل احسان
قدمته علشاني
جايلك بشرور انا مليان
نقيني من تاني
واثق فيك أنا عندي إيمان
تطرد كل احزاني
2
عارف اني غالي اوي عندك
دا انا شاغل تفكيرك
وسط الامك وجراح صلبك
انا برضو في تدبيرك
بقسوة قلبي انا باطعن جنبك
وانت فارد ايدك
3
دورت عليّ في ضياعي
ومفكرتش ارجع
باصرخ ليك من وسط صراعي
وانت لصوتي بتسمع
وبجراحاتك تشفي اوجاعي
لما عنيا بتدمع
4
مالقاش قيمتي غير في عينيك
دا انت اللي مشكلني
صنعة ايدك غالي عليك
حبك دا بيدهشني
وسط مسيري ناظر ليك
ولا شئ راح يشغلني
(مز 139: 14)تلميح
أَحْمَدُكَ مِنْ أَجْلِ أَنِّي قَدِ امْتَزْتُ عَجَبًا. عَجِيبَةٌ هِيَ أَعْمَالُكَ، وَنَفْسِي تَعْرِفُ ذلِكَ يَقِينًا.
