1
يا صاحبة عمري وسنيني
يا عشره جميلة طول الوقت
يا حضن جميل مدفيني
وحاسس بيا لما لجأت
معاكي شايلة أسراري
يا شايلة من عليا هموم
يا ساندة قلبي بصلاتك
يدوم حبك يا عدرا يدوم
قرار
مشاركاني في تفاصيلي
وبتصليلي عند يسوع
ولما أتعب وأكون موجوع
باشوفك واقفة قدامي
غلاوتي باينة في عنييكي
وواصلالي اوي مشاعرك
في كل أموري بارجعلك
يا فرحة كل أيامي
2
يمر الوقت وانا جنبك
وفيه متعة وفيه لذة
ولما احكي كتير عنك
باحس براحة واتعزى
يا ست الكل يا أصيلة
يا واقفة معايا وف ضهري
يا إسم جميل في ترتيلة
يا مريم يا اغلى من عمري
