|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
* تترمى ف البير تلاقيه ضلك
تتباع من أقرب ناس ببلاش
ف بلاد الغربة يشوف ذُلك
يجرى يعينك وما يستناش
يديك أحلام يديك تفسير
و ف آنة قلبك يبقى علاج
يصنع منك ف الضيقه وزير
تتباع بالفضة ف يهديك تاج
قرار ...
خططه ما بتخُرش المية
مهما يبان المشهد مهدوم
تفضل ف الخطة الإلهية
متشال ف عنيه والخير مرسوم
تتقلب الدنيا وتتأزم
وتحس الإحباط دا نصيبك
ف تلاقي المشهد متقسم
ولا سهم يا صديق هيصيبك
* وتعدي سنين ومازلت امين
حافظك ف العين وسط الموجة
وتعيشها سجين لكن بعدين
الدنيا تجيلك ف الحوجة
تخرج سلطان وتشوف يعقوب
الشمل يعود ترجع ارضك
وعظامك تحكي عن المكتوب
اول أهدافك كان ربك
____________________
* كلمات: إبراهيم عياد - ألحان: يوحنا فيكتور - ترنيم: ميلاد سعيد (كورال: كريستين عادل، مونيكا إبراهيم، نور أيوب، أمير نبيل، مايكل حنا، شادي مكاريوس)، 2025 م.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/alif/elkhetta.html
تقصير الرابط:
tak.la/23pfr4j