|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
الغنوات اللي بتشهد لك
الموهوبة في لمس الروح
هي صدى الكلمات من فمك
زارت قلبي في وقت النوح
لما قبلتها شبعت نفسي
طردت عجزي وخوفي ويأسي
حلت لي طلاسم أمسي
صبح الجاي معاك مشروح
علم الحب مرفرف فوقي
وقت لقانا في بيت الخمر
يشبع حسنك لهفة شوقي
مايدة تدوم طول العمر
وأنا ساجد بالروح قدامك
وأنا بأتدفى بضي كلامك
لما بتغمرني بسلامك
وتمس الشفتين بالجمر
شقيت وقت السبي بلمسك
نهر سباحة مالوش نهايات
أدهشتني ببلاسم همسك
أجبرتني أسبح في سكات
وإنت عرفت الداير في
كاشف فكري وكب ما بي
كونك فاهم دمع عيني
وفر على فمي الكلمات
أنا مأسور بالحب ولكن
إنت لوحدك ليك الأسر
ابنك هنا في العالم ساكن
حر وطاير زي النسر
وإنت مجدد لي شبابي
شايل عن قلبي الأتعاب
كاسر هيبة كل سراب
ومشيني في موكب نصر
____________________
*
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/alif/elghenwat.html
تقصير الرابط:
tak.la/tqt5m7b