كلمات ترنيمة أخدت الحب من حبه *

بحس إن أنا طفل صغير ف تعاملي معاك.
وبامسك في حاجات بتخطف عيني بتعجبني.
وافضل التحايل هاتهالي أنا بترجاك.
وإنت بترفض بمحبة وبتقولي لا يا ابني .
بازعل وبحس إنك قاسي .
ورافض فرحي.
واجري واسيبك لكن بالقاك مش بتسيبني .
وتعدي سنين وافهم قصدك واتاسف لك .
دي حاجات لو جات كانت تعباني وهدتني .
أخدت الحب من حبه وعلمني أحب الناس .
ف بيته دقت م الراحه يا محلا وقوفي ف القداس .
مجاش في مرة سابني وحيد .
بيكسيني بفرح جديد .
واحساسي وأنا جنبه مدوقتش زيه يوم إحساس .
تدبيرك ليا بيخلق لي ف الدنيا طموح.
وطبيعي اكون جاهل مستقبل جاي قدام .
لكن متاكد بل واثق منين مابروح
بلاقيك ويايا بتسندني وسط الأيام .
أنا عارفك طيب وحنين وبحب كبير .
بتاخدني في حضنك وتطبطب برتاح وينام .
أنا عارفك مش ممكن تسمح أبعد لبعيد .
وأنا ابعد أصلا وأنت بتديني سلام .
أخدت الحب من حبه .
وعلمني أحب الناس .
ف بيته دوقت م الراحه يا محلا وقوفي ف القداس .
مجاش في مرة سابني وحيد .
بيكسيني بفرح جديد .
واحساسي وأنا جنبه مدوقتش زيه يوم إحساس .