كلمات ترنيمة يا أبونا ياللي في السمايا أبونا ياللي في السما

1 يا أبونا ياللي في السما إنت أحن قلب دايماً أبداً ما هاتنسانا ما إحنا ولادك يا رب دعيت اسمك علينا وإنت اسمك قدوس خلينا نقدس اسمك يا مخلص النفوس

2 املك على كل حياتنا اجعلنا نعيش ملكوتك مش قلت لنا إنه داخلنا سمعنا يا رب صوتك في حياتنا وكل أمورنا كمشيئتك عايزين نسلك طهر يا رب ضميرنا بالحب علينا تملك (مت 6: 10)تلميح لِيَأْتِ مَلَكُوتُكَ. لِتَكُنْ مَشِيئَتُكَ كَمَا فِي السَّمَاءِ كَذلِكَ عَلَى الأَرْضِ.

3 زي ما في السما عايزين نسلك كملايكة يا رب ع الأرض كمان خلينا دايماً يقودنا الحب خبزنا اللي يكفينا علشان ما نعيش اليوم يا رب هاتدينا من غير ما نشيل في هموم

4 خطايانا كتير يا رب لو تسمح تغفرها لنا علمنا إزاي بالحب نغفر للي أخطالنا ماتدخلناش في تجارب دا إنت عارف ضعفاتنا ياللي عننا بتحارب بصليبك انتصارتنا

5 نجينا من الشرير على طول دايماً يحاربنا علمنا إزاي بكلامك نغلبه لما يهاجمنا لأن ليك الملك والقوة كمان والمجد ياللي اسمك مبارك في السما وكمان ع الأرض