St-Takla.org  >   lyrics  >   ar  >   praise  >   lam
 
St-Takla.org  >   lyrics  >   ar  >   praise  >   lam

تماجيد ومدائح الشهداء والقديسين المكتوبة

كلمات تمجيد الأنبا لوكاس الأول أسقف منفلوط وأبنوب   *

اليوم نقدم مديح
لحبيب يسوع المسيح
اللي كان كلامه فصيح
بنيوت آفا لوكاس

في حي عابدين
حارة السقايين
من أبويين فاضلين
بنيوت آفا لوكاس

اتولد هذا القديس
في بيت كله تقديس
فأصبح قلبه نفيس
بنيوت آفا لوكاس

بيساعدوا المحتاجين
بمحبة لسنين
اللي يطلب يقولوا امين
بنيوت آفا لوكاس

في سن الابتدائية
سافرت مامته النقية
لتقابل المسيا
بنيوت آفا لوكاس

كان بيحب الالحان
وصوته حلو كمان
في صلاته للديان
بنيوت آفا لوكاس

سيم باسم عبد المسيح
وكان كلامه فصيح
وكله حكمة ومليح
بنيوت آفا لوكاس

وكان تلميذ أبونا ميخائيل
حبيب عمانوئيل
و تواضعه مالوش مثيل
بنيوت آفا لوكاس

ورُسِم هذا المحبوب
وكان غالي على القلوب
على منفلوط وأبنوب
بنيوت آفا لوكاس

شغل مناصب كتير
وأهمهم حب الخير
لكل صغير وكبير
بنيوت آفا لوكاس

وفي يوم عيد الميلاد
كان هو ده الميعاد
اللي راح فيه وعاد
بنيوت آفا لوكاس

وصوته في القداس
في ودان كل الناس
كله محبة وإحساس
بنيوت آفا لوكاس

نقدم لك قرابينك
كانت آخر تسابيحك
قدمتها لمسيحك
بنيوت آفا لوكاس

يوم 7 يناير تذكار
نياحة هذا البار
شفيع لأولاده صار
بنيوت آفا لوكاس

وجسدك لسنين موجود
وسليم كما في الوعود
الفساد عليه لا يسود
بنيوت آفا لوكاس

وبقيت شفيع لينا
وعينك علينا
وصلواتك بتحمينا
بنيوت آفا لوكاس

وسريع الندهة كمان
و بتوصل للديان
صلوات كل انسان
بنيوت آفا لوكاس

تفسير اسمك في أفواه
كل المؤمنين
الكل يقولون يا اله
آفا لوكاس اعينا اجمعين

____________________
* كلمات: نانسي ميخائيل جاب الله - 9 مارس 2021 م.
* معلومات عن: الأنبا لوكاس الأول أسقف منفلوط وأبنوب وكل تخومها، أسيوط، مصر.
* تاريخ النياحة: 7 يناير 1965 م.


© st-takla.org موقع الأنبا تكلا هيمانوت: بوابة عامة عن عقيدة الكنيسة القبطية الأرثوذكسية، مصر / إيميل:

الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع | اتصل بنا

https://st-takla.org/lyrics/ar/praise/lam/lokas-i.html