1
إحنا كلنا ملايكة
كلنا نعمة كلنا بركة
ندخل بشويش في الكنيسة
من غير دوشة من غير هيصة
(مت 18: 10)موضوع
«اُنْظُرُوا، لَا تَحْتَقِرُوا أَحَدَ هَؤُلاَءِ الصِّغَارِ، لأَنِّي أَقُولُ لَكُمْ: إِنَّ مَلاَئِكَتَهُمْ فِي السَّمَاوَاتِ كُلَّ حِينٍ يَنْظُرُونَ وَجْهَ أَبِي الَّذِي فِي السَّمَاوَاتِ.
قرار
صوتنا واطي واطي واطي
ما إحنا كلنا ملايكة
2
ندخل على طراطيف صوابعنا
أصل بابا يسوع شايفنا
في بيته الحلو مجمعنا
وأمام الهيكل سجدنا
(مز 5: 7)تلميح
أَمَّا أَنَا فَبِكَثْرَةِ رَحْمَتِكَ أَدْخُلُ بَيْتَكَ. أَسْجُدُ فِي هَيْكَلِ قُدْسِكَ بِخَوْفِكَ.
3
مش ممكن نجري ولا نهيص
ده بيتك يا رب مقدس
باركنا يا رب وعلمنا
نحافظ على كنيستنا
(مز 93: 5)إعادة صياغة
شَهَادَاتُكَ ثَابِتَةٌ جِدًّا. بِبَيْتِكَ تَلِيقُ الْقَدَاسَةُ يَا رَبُّ إِلَى طُولِ الأَيَّامِ.
4
إحنا الملايكة الحلوين
قاعدين كده متطمنين
بعناية ربنا محروسين
شاكرين ربنا كل حين
(مز 34: 7)تلميح
مَلاَكُ الرَّبِّ حَالٌّ حَوْلَ خَائِفِيهِ، وَيُنَجِّيهِمْ.
