|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
مين اللى يقدر يهدم حصار العتمة ويحولها نور
مين اللى يقدر يحمى السفينه ف قلب نوه البحور
يحى رميم النفس ويرجعها تانى
وسط كحيل الحزن يبعت الاغانى
الا اللى وحده بكلمته كن فيكون
مين اللى يقدر يوقف بارود الشر ويحل السلام
مين اللى يقدر يسمع ولو منعوا الغلابه من الكلام
يهدى الطيور فى العش لو ف الليل حيارى
يحبس خطاوى الوحش فى قلب المغاره
الا اللى وحده بكلمته كن فيكون
مين اللى يقدر يزرعها حبه ف وسط ارض ملاها شوك
مين اللى يقدر يبدل مصير النار وقلوب الملوك
يخلق من الاكل من الجافى حلاوه
ورسول محبه من اللى كان طبعه العداوه
الا اللى وحده بكلمته كن فيكون
مين اللى يقدر يملا الوجود ميحدهوش اى مكان
مين اللى يقدر يكسر فروق الوقد وحدود الزمان
يظهر بشر فى ارضنا انسان مثالى
وجوه نفس الوقت سكناه العلالى
الا اللى وحده كلمته كن فيكون
____________________
* من مرنمي الترتيلة: ساتر ميخائيل، مارفي صموئيل / ترنيم أمير.
* يتم ترنيم البيت الأول كذلك بصيغة: "مين اللى يقدر يكسر حصار العتمة"، بدلًا
من "يهدم".
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/meem/yeqdar.html
تقصير الرابط:
tak.la/f43xjnn