1
(إديني يا رب القوة أعيشلك ثابت فيك
وأكون من برة وجوة باعكس صورتك وراضيك)2
قويني انت على ذاتي إفطمني عن لذاتي
خللي شهوتي في حياتي (أشبع وأتلذذ بيك)2
قرار
(أنا عايز اللي يشوفني ويقرب ويعرفني
يعرف إن أنا ملكك وده أمر يشرفني)2
2
(نقيني وخليني شبهك إظهر ف ملامحي يا بار
وبنورك إسطع فيَّ يا إلهي يا أبو الأنوار)2
وان مرة فتوري طفاني إشعل نار حبك تاني
إنهضني وهز كياني (بدل ضلمتي بنهار)2
3
(قدسني وليك كرسني هيأ قلبي لسُكناك
أفضل ع الأرض سفيرك م اليوم ولحد لُقاك)2
نورني بنور رباني وبروحك إنت املاني
يتغيَّر شكل زماني (لما أبقى مُنايا رضاك)2
(2 كو 5: 20)تلميح
إِذًا نَسْعَى كَسُفَرَاءَ عَنِ الْمَسِيحِ، كَأَنَّ اللهَ يَعِظُ بِنَا. نَطْلُبُ عَنِ الْمَسِيحِ: تَصَالَحُوا مَعَ اللهِ.
