كلمات ترنيمة أنا فرحان، أنا قايم نايم *

القرار- أنا فرحان أنا قايم نايم عالتسبيح والشكر الدايم

قلبي بيؤمن بيك ولساني بيعترف وبيعلن إسمك

طول الوقت مفيش على بالي ابداً يا إلهي غير سيرتك

كل شويه انا با اتغير لحد ما أبقى تمام على صورتك

1- وعشان جيتلك نفسي اجيبلك يا يسوع كل الدنيا بحالها

ونفوس ضاله نفسي تعودلك ترجعلك يتغير حالها

النفس اللي سلامك سابها

إنت ساعدني ليك أكسبها

ترجع تنضف من اوحالها

2- كل ما لي يا يسوع ملكك يعني أنا جيبت الخير ده منين

ما هو من عندك يعني وكالتك ومعيني عليها امين

في الخفا ها اعمل وإنت تجازي

أنا ها أديلك من أعوازي

لو حتى لآخر فلسين

3- حياتي بحالها رميت أحمالها أصل انا نويت اعلن حقك

وحقول بيضا طالبه حصادها إرسلني مع فعلة حقلك

قوة عودي هاتحمل ثمرك

وابقى باعلن إن ده مجدك

وآجي بروحي وأرنم لك