كلمات ترنيمة اللي يعيش بالايماناللي يعيش بالايمان

1 اللي يعيش بالإيمان ياما يشوف إيد الرب وسره كمان ليه مكشوف واللي يصدق بيه ويآمن أنه عطوف يلقي الخير والرحمة معاه في أي ظروف (اللي يعيش بالإيمان)3 ياما يشوف

2 اللي يعيش بالإيمان يا بختيه رامي حموله وكل همومه على اللي داعيه ولا يحتاجش في يوم ولا مرة يمد إيديه أصل أبوه الغني بسخاه ياناس معروف (اللي يعيش بالإيمان)3 يا بختيه (1 بط 5: 7)تلميح مُلْقِينَ كُلَّ هَمِّكُمْ عَلَيْهِ، لأَنَّهُ هُوَ يَعْتَنِي بِكُمْ.

3 اللي يعيش بالإيمان تستغرب له رغم سنين القحط تلاقي غراب بيجيب له أكله ويومه وأحتياجاته بتتسدد له أصل أبوه الغني بسخاه ياناس معروف (اللي يعيش بالإيمان)3 تستغرب له (1 مل 17: 6)تلميح وَكَانَتِ الْغِرْبَانُ تَأْتِي إِلَيْهِ بِخُبْزٍ وَلَحْمٍ صَبَاحًا، وَبِخُبْزٍ وَلَحْمٍ مَسَاءً، وَكَانَ يَشْرَبُ مِنَ النَّهْرِ.

4 اللي يعيش بالإيمان غير الناس يعرف يدي بكل محبة وبأحساس والغني عنده مش بالمال أو بالماس أصل أبوه الغني بسخاه ياناس معروف (اللي يعيش بالإيمان)3 غير الناس

5 اللي يعيش بالإيمان لو دهنة زيت بالإيمان خير الرب يغطي البيت والقليل من مفيش راح يزيد أصل أبوه الغني بسخاه ياناس معروف (اللى يعيش بالإيمان)3 لو دهنة زيت (1 مل 17: 16)تلميح كُوَّارُ الدَّقِيقِ لَمْ يَفْرُغْ، وَكُوزُ الزَّيْتِ لَمْ يَنْقُصْ، حَسَبَ قَوْلِ الرَّبِّ الَّذِي تَكَلَّمَ بِهِ عَنْ يَدِ إِيلِيَّا.