تماجيد ومدائح الشهداء والقديسين المكتوبة

كلمات تمجيد السيدة العذراء مريم - أمدح فخر النساء *

1- أمدح فخر النساء ..مريم باب السماء
لظهورها فى الوراق ..ماريا تى بارثينوس
2- 2009 اخره سلام .. 11 ديسمبر تمام
ظهرت ومعاها حمام .. ماريا تى بارثينوس
3- شعبك طلبك برجاء .. يا امنا يا طاهرة يا عذراء
لظهورك كان مشتاق .. ماريا تى بارثينوس
4- ظهرتى وقت طويل .. بنور ابيض جميل
منظر ملوش مثيل .. ماريا تى بارثينوس
5- نورك كان بيلالى .. شوفناه فى العلالى
يا ام الله المتعالى .. ماريا تى بارثينوس
6- فى منظر كله سرور .. حمام ابيض بيدور
فى ظهورك يا أم النور.. ماريا تى بارثينوس
7- جنب الصليب بتميل .. واقفة قدامنا دليل
وبخور يشفى العليل .. ماريا تى بارثينوس
8- جنب القبة ظهورك .. والناس شافوا نورك
وشموا عطر بخورك .. ماريا تى بارثينوس
9- ده نورك طيف بيبان .. ع القبة والصلبان
ظهرتى فى كل مكان .. ماريا تى بارثينوس
10- قالوا غير المؤمنين .. ده لظهورك شاكين
ظهرتى بشكل يقين .. ماريا تى بارثينوس
11-بين السحاب شافوا .. ابداً ما ينكروا
فى كل القاهرة عاينوه ..ماريا تى بارثينوس
12-البركة دى ليها تأويل .. والأية ليها دليل
لشعب مصر الأصيل .. ماريا تى بارثينوس
13- كوكب دى كانت عمياء .. نالت بركة الشفا
بشفاعتك يا عدرا .. ماريا تى بارثينوس
14- فكرتينا يا أم حنون .. بظهورك فى الزيتون
لما رأوكى بالعيون .. ماريا تى بارثينوس
15-وفى بابا دبلو فاكرين .. فى سنة 86
ظهرتى وقولنا آمين .. ماريا تى بارثينوس
16- ذكرى ابداً ما تفوت .. يوم ما ظهرتى فى اسيوط
شعبك ده كان مبسوط .. ماريا تى بارثينوس
17- طوباكى يا مختارة .. انت لينا منارة
يا فخر النصارى .. ماريا تى بارثينوس
18- يا عدرا يا حصن حصين .. اتباركوا المصريين
اشفعيلنا كل حين .. ماريا تى بارثينوس

____________________
* ترنيم: فريق كنيسة العذراء والملاك ميخائيل بالوراق - شريط نورتى الوراق.

---