تصنيف موضوع الترتيلة: (إظهار/إخفاء) |
لما بعْدتي يا عدْرا يبْسِتْ دِنْيتْنَا الخضرا
عودي وِحْييها بنَظْرَه نظرة امْ بتِكْفينا يا عدرا اشفعي فينا
كرمال نعمِة يسوعِك هالطفل اللي عا كوعِك
جينا وضَوَّينا شموعِك حتى بنورو يضوينا يا عدرا اشفعي فينا
صلينالك وافرحنا الآمال بدْيكِ اطرحنا
هديناك هديه ورِحْنا ع دروب السما هدينا يا عدرا اشفعي فينا
عدرا نحنا بهالليلي تجمَّعنا حولِك عيلي بهَالسَّفره الطويله
يا عدرا رافقتينا خليكي اشفعي فينا
صيدون كلا وجوارا فِرحوا كبارا وزغارا
شو حلوه هالزياره احلى زياره زرتينا خليكي اشفعي فينا
كنيستنا الحلوه الخضرا حِمْلِتْ اسمِك يا عدرا
عطينا مْنِ عيونك نظره من الاخطار بتِحْمِينا خليكي اشفعي فينا
هالشتله اللي زرعناها وعالحقله وزعناها
ورقه ورقه جمعناها عدرا هيك اجمعينا خليكي اشفعي فينا
____________________
*
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
تقصير الرابط:
tak.la/385sd7a
