1
إيه اللي نتعلمه منك
من صومك، من صورتك
من اسمك يا مريم؟!
2
مع كل تطويب العالم
ما نسيتش إني عبدة فقيرة
مستنية خلاص العالم
زي أجدادي القديسين
كان التواضع تاج رأسي
اصحوا واسمعوا لكلامي
(لو 1: 48)تلميح
لأَنَّهُ نَظَرَ إِلَى اتِّضَاعِ أَمَتِهِ. فَهُوَذَا مُنْذُ الآنَ جَمِيعُ الأَجْيَالِ تُطَوِّبُنِي،
قرار
(طبعًا يا أمنا سامعين
قولي أكتر من كده عايزين)2
وكمان إيه نتعلمه منك
من صومك، من صورتك
من اسمك يا مريم؟!
3
رفضت إني أحكي وأتكلم
عن اللي بيحصل في حياتي
وحفظت الكلام في قلبي
وأما طلبوا مني أتكلم
كان الصمت هو كلامي
اصحوا واسمعوا لكلامي
(لو 2: 19)إعادة صياغة
وَأَمَّا مَرْيَمُ فَكَانَتْ تَحْفَظُ جَمِيعَ هَذَا الْكَلَامِ مُتَفَكِّرَةً بِهِ فِي قَلْبِهَا.
4
يسوع الفادي علمني
إني أحب اللي يخاصمني
وأصالح اللي يضايقوني
وأصلي من أجل العالم
من كتر الحب اللي ف قلبي
اصحوا واسمعوا لكلامي
(مت 5: 44)تلميح
وَأَمَّا أَنَا فَأَقُولُ لَكُمْ: أَحِبُّوا أَعْدَاءَكُمْ. بَارِكُوا لاَعِنِيكُمْ. أَحْسِنُوا إِلَى مُبْغِضِيكُمْ، وَصَلُّوا لأَجْلِ الَّذِينَ يُسِيئُونَ إِلَيْكُمْ وَيَطْرُدُونَكُمْ،
5
مهما إبليس يحاول يبعدني
عن صومي وسهري وأتعابي
كنت أرفع عيني لربي
وأقول له حارب عني
وأسلم له كل حياتي
اصحوا واسمعوا لكلامي
1/2(مز 121: 1-2)تلميح
(1) أَرْفَعُ عَيْنَيَّ إِلَى الْجِبَالِ، مِنْ حَيْثُ يَأْتِي عَوْنِي! (2) مَعُونَتِي مِنْ عِنْدِ الرَّبِّ، صَانِعِ السَّمَاوَاتِ وَالأَرْضِ.
(خر 14: 14)تلميح
الرَّبُّ يُقَاتِلُ عَنْكُمْ وَأَنْتُمْ تَصْمُتُونَ».
ختام
طبعًا يا أمنا سامعين
وبنصحك ها نكون عاملين
ولإسمك ها نكون حاملين
وبصورتك متشبهين
