أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة وزنة غالية وكنز ثمين *

 

القرار

عارف ان في ايدك             وزنة غالية وكنز ثمين

وصلهولك سيدك                بتعب وجهاد ناس تانيين (2)

 

1- ناس إيمانهم كان الأول    وحياتهم كانت بعدين

حطوا هدفهم ان إيمانهم         يوصل ليك كامل وسليم (2)

 

لو مش عارف قيمة كنزك     أو مش عارف انت مين

انت ابن كنيسة عظيمة         إيمانها ثابت ومتين

 

2- انت ابن مارمرقس         اثناسيوس وعامود الدين

بولا أنطونيوس مكاريوس    ورئيس المتوحدين (2)

 

ابن شهداء وقفوا بقوة           قدام ولاة وسلاطين

انت ابن البابا كيرلس           والبابا شنودة الأمين

 

3- لازم تتمسك بإيمانك       إيمانك غالي ونفيس

دا ترسك وحصن حياتك       بيه تغلب أفكار إبليس (2)

 

حتى لو كانت حبة خردل      في الأرض مدفونة سنين

اسقي حبتك واحرسها          تثمر 30 و 60

____________________
* ترنيم: القمص داود لمعي.

---