كلمات ترنيمة مش مستاهلةمش مستاهلة

مش مستاهلة تزعل حد صاحبك جارك حتى أخوك دي الدنيا مابتدومش لحد واللي معاك ممكن يعادوك

مش مستاهلة خناق في البيت ويا مراتك أو مع أهلك اوعى تكون جاز أو كبريت إنت لوحدك بس هتهلك

مش مستاهلة تتعب راسك بإدمان يفقر مابيغنيش وفر مالك لاقرب ناسك احفظ جسمك خليه يعيش

مش مستاهلة تعرف واحدة وتوعدها إنك مخلص ليها تطلع بس مجردة شهوة أتاريك كنت بتلعب بيها (كو 2: 15)تلميح إِذْ جَرَّدَ الرِّيَاسَاتِ وَالسَّلاَطِينَ أَشْهَرَهُمْ جِهَارًا، ظَافِرًا بِهِمْ فِيهِ.

مش مستاهلة تضيع نفسك علشان تجمع ثروة ومال اهرب من كل شيطان حابسك الدنيا مش تجميل مال