|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
(1) ليه بنبخل بالكرازه للقريب والبعيد
والنفوس سايبينها تهلك واحنا قلبنا حديد
فين شعورنا بالغلابى بالحزانى والتعابى
أي كلمه نقولها تفرق أو بشاره تبل ريق
دا البشر من كل لون في بُيوتنا وشوارعنا
فين ها يسمعوا الكرازه لو فضلنا في مكاننا
لا الجحيم في يوم ها يشبع ولا قال في يوم كفايه
جاي يوم لازم نقدم عن حسابنا والوكاله
(2) ربي وصيتنا وصيه نابعه م القلب الحنون
لما قلت: انتم شهودي واللي بتقوله يكون
دا احنا مش ممكن ندوق طعم راحه أو هدوء
واحنا شايفين الخطيه راميه ناس وسط السجون
شكلهم أحرار ولكن دول عبيد متقيدين
والشيطان بيذل فيهم وسايبهم مطروحين
يا إلهنا ادينا قوه نخطف الناس م اللهيب
وِنُفُكّ الأسر عنهم لما يختبروا الصليب
(3) ربي شجعنا فنكرز ولا ييجي يوم نخاف
لما تملانا بروحك نختبر فينا اختلاف
لا الخجل يمنع كلامنا ولا شيء يقف أمامنا
دا اللي أنكر جا له يوم فيه وقف قدام آلاف
املا قلبنا بغيره وبحماسه واجتهاد
وسلوكنا يكون بيشهد عن أمانه في الحياة
فَنِكَرَّس كل لحظه وكل ما تمسك إيدينا
وف ختام صلاتي بارك في الكرازه واحيا فينا
____________________
*
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/lam/karaza.html
تقصير الرابط:
tak.la/mh84z68