St-Takla.org  >   lyrics  >   ar  >   songs  >   baa
 
St-Takla.org  >   lyrics  >   ar  >   songs  >   baa
أرشيف كلمات الترانيم المسيحية | قاعدة بيانات الأناشيد الروحية على الإنترنت
فهرس الترانيم | ترنيمة مكتوبة | نص الترتيلة

كلمات ترنيمة بيشاوروا عليها   *

 

St-Takla.org                     Divider of Saint TaklaHaymanot's website فاصل - موقع الأنبا تكلاهيمانوت

1- كل الناس بيشاوروا عليها وعيونهم بتجرح فيها
ايوة نسيوا ماضيهم لكن عمر ما نسيوا مرة ماضيها
لكن نسيوا معنى الرحمة لما بقسوة حكموا عليها
كل كلامهم كان بيدارى كل عيوبهم ويعريها
حاولت تجري وقفوا قصادها ضاق الكون جدا حواليها
خافت لما الكل رفضها حتى محدش خد بإيديها

قرار : هي غلطت لكن شاغلك مين يسترها و مين يواسيها؟!
مين ينقذها من نظراتهم من قسوتهم مين يشفيها
مين هيدافع عنها دي حتى لو ملاك هيشوفوا عيوب
مين يديها الفرصة تكون قديسة مش بس تتوب
مين غيرك يقدر يحميها ؟

2- و دموعها مهياش على بالهم و مفيش حد هيسال مالها
كان احسن لو يبقوا في حالهم كان احسن يسيبوها في حالها
هم زيها و اكتر منها بس الناس محتاجه دليل
و انت بتمنع حد يدينها.. رسمت حياتهم بالتفصيل
اول طوبة مين يرميها مين في حياته ماداقش خطيه ! .
رغم بعادها سنين عن حضني قابل بيها .هاتفضل ليا

____________________
* كلمات: ماركو رزق، مايكل مجدي - ألحان: كيرلس عوض - ترنيم: كورال نبرة فرح (كورال إيبارشية طنطا و توابعها) - أداء فردي: كيرلس عوض، صموئيل جمال - أداء كورال: مايكل مجدي، صموئيل جمال، مينا مجدي، أندرو نبيل، كيرلس عوض، مينا ماهر، مايكل ماهر، مارك موريس، بولا رضا، مينا عماد، مريم إبراهيم، ماري جورج كمال، ماريان جان - من ألبوم: جيل للمسيح.


© st-takla.org موقع الأنبا تكلا هيمانوت: بوابة عامة عن عقيدة الكنيسة القبطية الأرثوذكسية، مصر / إيميل:

الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع | اتصل بنا

https://st-takla.org/lyrics/ar/songs/baa/beyshawro.html