يعني ايه كلمة بسبح
يعني باحكي عليك وباشرح
نعمتك خوفك عليا من الخطر
يعني ايه بارنم عشانك
يعني انا باوصف حنانك
وجمالك اللي ابرع من البشر
(مز 45: 2)اقتباس
أَنْتَ أَبْرَعُ جَمَالًا مِنْ بَنِي الْبَشَرِ. انْسَكَبَتِ النِّعْمَةُ عَلَى شَفَتَيْكَ، لِذَلِكَ بَارَكَكَ اللهُ إِلَى الأَبَدِ.
مانت ربي وغالي عندي
وانت اللي معلّي اسمي
مانت حافظني وعارفني
لان انا ابنك ليك
مهما اقول عنك كلامي
دا اللي بس قاله لساني
لسه في كلام جوا قلبي
نفسي لو اقوله ليك
سر قوة انت في حياتي
بكلمة خليت يومي هادي
ياللي سابق ياللي بادي بلهفتك
يختفي خوفي بحضورك
نور طريقي بان بنورك
ياللي حاطط فيا روحك باشكرك
(حز 36: 27)تلميح
وَأَجْعَلُ رُوحِي فِي دَاخِلِكُمْ، وَأَجْعَلُكُمْ تَسْلُكُونَ فِي فَرَائِضِي، وَتَحْفَظُونَ أَحْكَامِي وَتَعْمَلُونَ بِهَا.
