تصنيف موضوع الترتيلة: (إظهار/إخفاء) |
1- اسمح لي يا رب أنا ليا عتاب ليه وقت الضيقة باكون متساب
أديني إشاره ان التجربة هتزول والتعويض على الأبواب
محتاج ل إيديك تسند قلبي ضعفي تقويه وتنير دربي
واتبع خطاويك ومتوهش بعيد واتطمن وانا فيك متخبي
القرار
صوتي بينده اسمع ليا ردك هيرد الروح فيا
وعيوني تشوف مجد حضورك يغمرني حنانك حواليا (2)
2- مشتاق للفرحة اللي في قريك أشبع وأغتني من فيض حبك
لو ليا حياة باقيه لعمري خليني أكملها في سترك
ارسم يا يسوع ليا بدايه تدبيرك بس وده كفايه
وأنا واثق مركبتي هتمشي وتعدي الموج وانت معايا
____________________
* كلمات: كيرو المصري - ألحان: سرمد إلياس - ترنيم: حنان سمير.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/alif/etab.html
تقصير الرابط:
tak.la/sa6m8md