أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة عليَّ حمول *

 

عليَّ حمول.. فيه عنده شفاء
يا يشيلها يا بيقوِّي الكِتفين
قالوا من أول ألفه للياء.. متساب
وانا متشال عالكفين
فَرَّح روحي حَوِّل نوحي غناء
نجَّاني مُنَجِّي الغرقانين
ده رجاء اللي مالوهشي رجاء
ومعين اللي مالوهشي مُعين

ربي راعيَّ ومُعتني بيَّ
وساندني بسندة سماوية
وإىديه الإلهية مقوية.. ضعفي
وراسمة لي طريق بامشيه


مددي وسندي على أحمالي
سيدي عزي وكِنزي وراسمالي
سيدي وحياتي بيرتبهالي
واذا كان كده يبقَى انا هاحتاج إيه

زحمة دنيتي ما بتشغلنيش.. عنه
وعلشانه يوماتي باعيش
فالجَي بكره ما يخوفنيش
قلبي اطمن مانا محتمي فيه

يحميني ويحفظني من السوء
يشفيني لما حالتي تسوء
ويبدل إعصاري بهدوء
والبحر الهايج هيهدِّيه



بابه مفتوح دايمًا للجايين
وعشان نور بيدل التايهين
فتعالوا يا كل التعبانين
وارتاحوا فـ قربه
قَرَّبوا ليه

شفى ياما وجاب لنا ياما حلول
شال عنا كتير من غير ما نقول
وادانا سلام فاق العقول
قلبك تَعبان؟
اندهه يداويه

أيام صعبة يهونها عليك
يُحفروا فخ وهو ينجيك
دايمًا مراعيك هتضيع يلاقيك
قبل اما تدور حتى عليه

رحمته دي واسعة وهتغطيك
مش هيسيب الدنيا توطيك
اعتبره أبوك.. اعتبره صديق
يغنيك لو تِعلن فقرك لِيه

تسبيحه هيفضل فـ لساني
ينتهي.. فورًا هابدؤه تاني
وهاقول للكون كله:
أماني.. وراحتي وسلامي وخلاصي بيه

____________________
* كلمات: رمزي بشارة - على لحن السينيو "الذكصولوجيات الفرايحي" - ترنيم: مينا اسحق، نعمة اسحق، مع كورال أغابي (كيرلس سعيد - أبانوب سعيد - مرقص ماجد - كيرلس راضي - توني مرزوق - ندى مجدي - مارينا فريد - مارسيل سامر - منريت حنا).

---