1
كان فيه كنيسة
لدميانة القديسة
في أرض بابا دبلو
مخفية عن السامعين
كنيسة مش كبيرة
وناسها مش كثيرة
لكنها حلوة
في عيون السمائيين
قرار
فيها الناس شافت حمام أبيض بيدور
وأشكال حلوة بهية نور من نور
على منارتها كان ظهورها
الست العذراء بطولها
والناس فيها شمت ريحة
ريحة ذكية ريحة بخور
2
مرة تظهر وحديها
ومرة بنلاقيها
ويّا دميانة بتظهر
في منظر يا سلام
الليل أصبح نهار
والنوم ما لوش آثار
في حي بابا دبلو
تسبيح على الدوام
3
عشرات الجنسيات
من مختلف الديانات
من أقاصي المسكونة
سمعوا عن الظهور
ناس كثير زاروها
منهم كثير شفوها
واللي ما شفش طيفها
أقله شاف النور
4
العذراء لما ظهرت
بركتها حالًا خلت
أبو يد مشلولة يشفى
والأعمى يشوف النور
واللي مريض وتعبه
تُقل المرض وألمه
من قلبه لما يصرخ
يشفى وقت الظهور
5
دي رسالة ومبعوته لنا
تكشف كثير عن حالنا
وتقول يا ناس توبوا
تعيشوا في سلام
حياتكم دي وقتية
عيشوا حياة نقية
دي الأبدية جاية
ورايا أوام أوام
1/2(مت 3: 2)تلميح
قَائِلًا: «تُوبُوا، لأَنَّهُ قَدِ اقْتَرَبَ مَلَكُوتُ السَّمَاوَاتِ.
(يع 4: 14)تلميح
أَنْتُمُ الَّذِينَ لَا تَعْرِفُونَ أَمْرَ الْغَدِ! لأَنَّهُ مَا هِيَ حَيَاتُكُمْ؟ إِنَّهَا بُخَارٌ، يَظْهَرُ قَلِيلًا ثُمَّ يَضْمَحِلُّ.
