كلمات ترنيمة طبيب شاطر، بتشفي النفس بالكلمة *

(1) يارب انا قلبي مش رافض
ومش كسلان يعود تاني
لكن كل اما اجي أقرب
الاقي قيادي منعاني


(قالولي انك طبيب شاطر
بتشفي النفس بالكلمة)2
(وادي المفلوج مثال واضح
سمع صوتك داق النعمه)2


(ق) انا عارف سلامي معاك
وجايلك احتمي في حضنك
فمن فضلك تسامحني
تقربني اوي منك


تعبت كتير بعيد عنك
ماشوفتش راحه غير وياك
رجايا ان انت تقبلني
تخليني اعيش في سماك


(2) عشان الراحه بس معاك
ناويت ارجع و ده قراري
لكن عشمان تمد ايديك
تحول حزني لاغاني


(وأعود من تاني واشهد لك
واجيبلك ناس كتير تانيين)2
(نقول تسبيح و نهتف لك
في وسط ملايكه سمائيين)2