كلمات ترنيمة صاحبة عمري اللي تَمَلِّيصاحبة عمري اللي تَمَلِّي

1 يا بركة بيتنا يا ست الكل .. يا وش السعد وريحة الفل السما مفتوحة لدعواتك، ارضي البور بتخضر فل يا بركة وخير ف حياتي .. عارفة احتياجاتي وطلباتي من غير ما تكلم فهماني ..دا رضاكي هدفي وغاياتي

2 ياصاحبة عمري اللي تملي ..عارفه سري ومسري ومهما حاولت إني أخبي ..كاشفه كل اللي ف قلبي يادرع حمايتي وأماني ..ياهدوء أعصابي وسلامي ياشجرة وضليلة وفرحة .. وضحكة ماليه كياني

3 عمود في وسط العيلة .. يا شايلة عني الشيلة ضحكتك لينا غنوة.. والكلمة منك ترتيلة أنام أنا وأغمض عيني ..وتسهري إنتي تصليلي وف وسط الضيقة تقويني..بكلامك الحلو تهديني

4 ربي يخليكي ويحميكي .. ياخد من عمري ويديكي ياأغلي واحدة ف حياتي ..ولا كل الشكر يكفيكي ياما شيلتي وربيتي ..واللي ف إيدك مش ليكي عمري ما أوفي جمايلك / مهما أعيش وأرضيكي