أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة ليتورجيا *

 

1- ليتورجيا كنيستنا حتة م السما بيتنا و مكاننا
و ناس جاية تجدد حب اللي اتصلب مخصوص عشاننا
و في الاسرار لينا حياة و راحة و يسوع دايما حاضنا
و ليل و نهار بنسجد ليه و بنسبح و نعلن ايماننا

ايمان قوي مستقيم... و كتابي سليم...و من التسليم..
اللي سابهولنا آبائنا من وعظ و شرح و تعليم...
اله واحد و عظيم في تلات اقانيم.. و بحب كبير...
بعت ابنه اتحد لاهوته.. بناسوته من غير تغيير..
طبيعة واحدة لله الكلمة المتجسد ليه كل التعظيم..

2- في عشية و تسبحة و قداس يسوع حاضر ما بيننا
ثيؤطوكية لام الله و ذكصولوجية لقديسيننا
دي لمتنا بطقسها فيها و الحانها حتة منا
مهمتنا نجاهد في حياتنا بايمان و الروح يعيننا

3- و اجبية بيها في مخدعنا نصلي في السواعي
معمودية ميرون تناول اعتراف لكاهن و راعي
و قراياتنا انجيل سنكسار قانون ايمان جماعي
وصيتنا نفتش في الكتب يبقى ايماننا واعي

____________________
* كلمات وألحان: مايكل مجدي - ترنيم: كورال نبرة فرح (كورال إيبارشية طنطا و توابعها) -  أداء فردي: مريم إبراهيم، يوستينا صموئيل، ماريام سامي - أداء كورال: مايكل مجدي، بولا رضا، مينا ماهر، كيرلس سمير، مارك موريس، ماريام سامي، جوسيان رأفت، يوستينا صموئيل، مريم إبراهيم، فيرينا فؤاد، مافي بيتر - من ألبوم: جيل للمسيح.

---