|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
(1) الليلة إعلان فرحتنا
مع عريسنا وعروستنا
والفرح حاضر في ليلتنا
والسر في القلبين
ده قلب (إسم العريس) لا في زيّه
وقلب (إسم العروسة) يساويه
وكل قلب تلاقي فيه
حب ودفا وحنين
(ق) مبروك ليكوا يا عروسين
فرحتكوا مالية العين
ده الرب ها يكمِّل معاكم
مبروك ليكوا يا عروسين
مبروك ليكوا يا عروسين
فرحتكوا مالية العين
وكل يوم الرب حماكم
مبروك ليكوا يا عروسين
(2) ركِّز يا (إسم العريس) لثواني
خليك عشانها مُتفاني
مهما ها تتعب وتعاني
شيلها في نني العين
وهي ها تشدِّد عزمك
وتعمل إللي يكون لازمك
وتعيش غالب ولا شئ هازمك
طول ما إنت لاقي معين
(3) والكلمة يا (إسم العروسة) ليكي
اعملي كل إللي عليكي
ده كلام إلهنا يوصيكي
وكلامه حصن حصين
(إسم العريس) ده ها يقرَّب منك
طول الحياة مسئول عنك
خليه تملِّي يشوف إنك
مُعين طول السنين
(4) يا رب بنسلمهم ليك
إنت بديت والباقي عليك
كل ثقتنا يا رب فيك
وغيرك إنت مين؟
رباط ها يبقى شهادة ونور
طول ما انت ربي ماليه بحُضور
روحك وكلامك ده سور
طول الحياة دايمين
____________________
* يتم وضع اسم العريس واسم العروسة في المكان المناسب بالنص.
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/alif/senino.html
تقصير الرابط:
tak.la/jr7gf36