أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة أنت إللي خلقتلي القمحة، وخليتها تطلع في الريف *

 

1-إنت إللي خلقتلي القمحة وخلتها تتطلع في الريف

وإديت للخباز القوة علشان يعملهالي رغيف

وإنت إللي بتهتم بجسدي وأنا لسه صغير وضعيف

بكره هاكبر واخدم اسمك وأحافظ على قلبي نضيف

القرار

ربي حبك ليا كبير وخيرك عليا كتير

كل مابانسى بتفكّرني وتطمن قلبي الصغير

2-إنت إللي خلقت العصفورة وخلتها تفرح وتطير

لا بتزرع ولا تحصد أبدا يرعاها ربي القدير

قولتلي أشوفها بعيني وأبطل هم وتفكير

في المستقبل ومصير بكره أنا أغنى منها بكتير

3-إنت إللي إديت البلبل صوته الحلو والألحان

من فوق كل غصن وشجرة بيغني وهو فرحان

وإنت مليت بالفرحة حياتي وشلت لي كل الأحزان

علشان كده دايما بارنم وأهتف ليك في كل مكان

____________________
*

---