|
|
|
|
كلمات ترنيمة أنت اللي عارف أعمالك، داري بحالك *
القرار - أنا إللى عارف أعمالك .. دارى بحالك
فيه كلمه عايز أقولهالك .. إرجع لى وتوب
ها أريحك من أحمالك .. وهاشيلهالك
معايا صخرة أحزانك .. تخلص وتدوب
1- مع الخطايا بتبيت .. ليه متقيد ؟
بالإسم حى لكن ميت .. مليان بذنوب
سكت شرورك وإسمعنى .. قوم وإرجعلى
سلم لى قلبك وإتبعنى .. وكفايه هروب
2- راحتك هنا بين أحضانى .. عود من تانى
عشان سايبنى بتعانى .. عايش مرعوب
سامعنى باأنده وسايبنى .. إرجع يا إبنى
صدقنى بعدك يتعبنى .. يا غالى ومحبوب
3- معايا تقدر تتعلم .. لو تتألم
فى عز ألمك هترنم .. ليه تعيش مغلوب ؟
لكل آهه ودمعايه .. تلقى نهايه
وتنتصر وإنت معايا .. على أى حروب
____________________
*[ www.St-Takla.org ]
Like & share St-Takla.org
© موقع الأنبا تكلا هيمانوت الحبشي القس: الكنيسة القبطية الأرثوذكسية - الإسكندرية -مصر / URL:
https://st-takla.org / اتصل بنا على: