أرشيف كلمات الترانيم المسيحية و الأناشيد الروحية على الإنترنت

ترنيمة عندي حكاية

عندي حكاية هأقولها للأولاد أولاد أصحابي ومن كل البلاد
حكاية عني وعن يسوع حبيبي ونصرتنا الأكيدة علي مكر الشيطان
"فتحوا ودانكم وانتبهوا لي كويس علشان تنتصروا دايماً وتبقوا في آمان"2

+ فـ الضلمة ماشي في مرة من المرات جالي يتسحب كأمكر الحيات
حاول يقولي دا أنت ماشي لوحدك وفي الضلمة أنت خايف قوم هات إيدك هات
قولتله أمش لأني مش لوحدي يسوع ماسك في أيدي وهو عشاني مات

+ وفي مرة بالعب مع ابن الجيران جه قالي اكذب عشان تبقي الكسبان
قولتله لأ يسوع راح يزعل مني وقلبي مش هايفرح مادام هو زعلان
قام فر مني وجه جنبي يسوعي في لحظة لقيته جنبي وحسيت بالأمان

+ خدها نصيحة علي مر الأيام إبليس لو جالك ماتسمعلوش كلام
قوله يا شاطر ماتتشطرش علي عشان أنا مش قدك ملكش معايا كلام
إن كنت شاطر تروح تتحدي ربي وهو هايوريلك ويغلبك كمان

[ www.St-Takla.org ]