|
|
|
|
أرشيف كلمات الترانيم المسيحية و الأناشيد الروحية على الإنترنت
مديح الأنبا بولا (يا أنبا بولا)
+ يا أنبا بولا يا أول السواح يا قديس وبار بتنور كالمصباح
سيرتك نقية جيت هنا بسماح من رب القوات وقلبك به إرتاح
سبت العالم كله ولا بصيت وراك وقلبك كان مشغول بالرب اللى فداك
مين زيك يا حبيب ده يسوع هو اللى هداك تسكن دا المكان وحدك ولا حد معاك
رب القدرة يأمر مع كل غروب غراب معاه نصف خبزة لا تأخر يوم ولا غاب
ده أمر غريب وعجيب تحتار فيه الألباب طير بيعول انسان لدى رب الأرباب
طوباك يا أنبا بولا يا حبيب المسيح
يا ضياء منير وجهك حلو ومريح
صلواتك بلسم تشفى القلب الجريح
وصمتك أقوى من كل كلام فصيح
+ لما مات أبوه والمال كان عنده كتير طمع فيه أخوه وقاله أنت صغير
نصيبك يبقى قليل ونصيبى أنا الكبير هى دى القسمة اللى لازم تصير
ينصفوه من اللى ظلموه قام راح للقاضى يحكم مابينه وبينه
قابل فى السكة وجنازة وناس بيبكوا رجع فى رأيه وساب ماله لأخوه
العالم فيه إيه علشان تتمسك بيه الكل باطل باطل والعين ماتشبع بيه
بتجرى ورا إيه نفسك طمعانة فى إيه إن دامت لحد تبقى تدوم لىّ
أنا إيه ينفعنى لو أربح العالم وأخسر نفسى وأعيش فى خصام
الحية زمان أغرت أبونا آدم وخليته يقع ويعيش فى ظلام
القرار
+ يارب إرشدنى وإهدى لى سبلى وشق لى طريق وياك يحلى لى
تختاره إيديك ويمينك تسندنى يارب إسمعنى أسرع وأعنى
ابكى يا إنسان على أخوك الإنسان التايه والتعبان المهموم والحيران
المحتاج للحنان محتاج للأمان قلبه بيصرخ لإله الأكوان
شوف المكار وحيله مع الأبرار يدخل فكر الناس ويحولهم أشرار
يارب نجينا من شر الغدار وأحفظنا فى إسمك نكون ويا الأبرار
لمقبرة راح يبيت فيها ويرتاح ثلاث أيام يصلى ويطلب بإلحاح
الرب يتحنن ويكتب له النجاح القرار مش سهل ويحتاج لإيضاح
ظهر له ملاك قواه وعزاه أرشده للبرية صحبه وصار معاه
وصلوا المكان فرح لما رآه هنا نام على الصخر وإتغطا بسماه
القرار
+ بدأ جهاده صوم وصلاة ودموع نسك وطهارة وسجود بخشوع
يتحمل البرد ويصبر على الجوع يأكل نصف خبزة ويشرب من الينبوع
مت عن العالم فمك ماداق الطعام عينك ماشافت إنسان ناظر لله دايماً
ورجليك الطاهرة ماتركته لحظة حتى اتقال عنها الأرض نالت بركة
لبست توب الليف على جسدك النحيف وصار حمله خفيف عشت غريب وضيف
ظلام المغارة أنار بصلوات البار تشهد لك بوقار سيرة مملؤة فخار
القرار
+ يا موسى فى البرية ياإيليا الجديد يا داود الوديع يا يوحنا العتيد
تركت غنى العالم نلت الكنز الأكيد كان حبك لإلهك كل يوم بيزيد
بخور طيبك قد فاح ملأ الدنيا أفراح لولاك مانزل مطر ولاندى يحيى الأرواح
فى أوان النيل يفيض يروى الأرض -- ومعاك الخير ييجى يحتار فيه المداح
القرار
+ لما أراد الله يُظهر برك وضياك أرسل ملاكه للأب أنبا انطونيوس هناك
مشى لك يوم بتمام بيطلب رؤياك فدخلت المغارة وقفلت الباب وراك
صرخ الأنبا انطونيوس وقال لك يا مبارك قابلت إليك وحوش إقبلنى لأتبارك
سألت فأُعطيت طلبت فوجدت قرعت وأنا أؤمن إنه يفتح لى
لما جه الغروب جه غراب ومعاه خبزابا كاملة لضيف الأنبا بولا
قال أنت حبيبه لك دالة عند الله لى سبعين سنة بيرسل نصف خبزة
القرار
لما عرف القديس إن الوقت قد حان يترك العالم والتعب والأحزان
قال للأنبا انطونيوس إرجع ديرك الآن هات توب أثناسيوس حامى الإيمان
وهو فى الطريق راجع بتوب اليقين شاف ملائكة تهلل ولروح البار حاملين
نال أبونا الإكليل بعد جهاد سنين وكفنه بالثوب وبكى عليه بحنين
لما أراد دفنه اتبارك من جسده وحالاً جه أسدين سجدوا أمام جسده
وحضروا له مكان من بعد الإستئذان على ربك اتكلت وما إحتجت لإنسان
طوباك طوباك طوباك عشت على الأرض ملاك الرب إختارك لما شاف قلبك
خدمتك الطيور ووحوش تخضع بسرور دفنتك الأسود إسمك صار مزمور
القرار
+ طوبك يا حبيب إيسوس الرب بخرستوس ربحت العشر وزنات اللى أعطاك القدوس
الوزنة الأولى كان عندك إيمان إن الرب الديان يحفظ حياتك فى أمان
الوزنة الثانية رجاء مع إطمئنان الرب يعولك زى ماعال شعبه زمان
الوزنة الثالثة محبة كاملة و --- كانت --- محبة كبرت حبة بحبة
الرابعة إحتمال عيشة بين الجبال مين بس اللى قال ده من المحال
الخامسة مارأيت حيوان أبداً وخشيت لكنك صليت نلت نعمة وقويت
السادسة سلطان على الطبيعة كمان يا بتول يا طاهر بحب إلهك شبعان
السابعة سامع وصايا الرب وخاضع وإيدك رافع جسدك كله خاشع
الثامنة هارب واللذات صالب وبيسوع غالب على كل التجارب
التاسعة ممالك تركت لأجل المالك فى طريقك سالك على قلبك مالك
الوزنة العاشرة ما احلاكى يا وحدة يا ثمرة حلوة لذيذة وطعمة
منذاقك تحلى له العيشة فى حاله تتحسن أحواله ويرتاح باله
القرار
طوباك طوباك طوباك فى السما ويا إلهك نلت نعيم يا هناك فرحان مع سيدك
أنبا بولا يا آمين أولادك محتاجين صلواتك عنهم تحرسهم كل حين
طوباك يا أنبا بولا يا ساكن المغارة صارت سماء ثانية بقيت لنا منارة
سيرتك شهية سيرة تقية سيرتك نقية لينا منورة
يا انبا بولا يا اول السواح
يا قديس وبار بتنور كالمصباح
سيرتك نقية جيت هنا بسماح
من رب القوات وقلبك بيه ارتاح
سيبت العالم كله ولا بصيت وراك
وقلبك كان مشغول بالرب اللى فداك
مين زيك يا حبيب دا يسوع هو اللى هداك
تسكن ده المكان وحدك ولا حد معاك
رب القدرة يامر مع كل غروب غراب
معاه نصف خبزة لا اتاخر يوم ولا غاب
ده امر غريب وعجيب تحتار فيه الالباب
طير بيعول انسان لا ده رب الارباب
قرار
+طوباك يا انبا بولا يا حبيب المسيح
يا ضياء منير وجهك حلو ومريح
صلواتك بلسم تشفى القلب الجريح
وصمتك اقوى من كل كلام فصيح
+لما مات ابوه والمال كان عنده كثير
طمع فيه اخوه وقال له انت صغير
نصيبك يبقى قليل ونصيبى انا الكبير
هى دى القسمة اللى لازم تصير
حب ينصفوه من اللى ظلموه
قام راح للقاضى يحكم ما بينه و بينه
قابل فى السكة جنازة وناس يبكوه
رجع فى رايه وساب ماله لاخوه
العالم فيه ايه علشان نتمسك بيه
الكل باطل باطل والعين ما تشبع به
بتجرى ورا ايه نفسك طمعانة فيه
ان دامت لحد تبقى تدوم ليه
انا ايه ينفعنى لو ربحت العالم
واخسر نفسى واعيش فى خصام
الحية زمان اغرت ابونا آدم
وخليته يقع ويعيش فى ظلام
يا رب ارشدنى واهدى سبيلى
وشق لى طريقى وياك يحلى لى
تختاره ايدك ويمينك تسندنى
يارب اسمعنى اسرع و اعنى
ابكى يا انسان على اخوك الانسان
التايه و التعبان المهموم و الحيران
المحتاج لحنان محتاج للامان
قلبه بيصرخ لمكون الاكوان
شوف المكار وحيله مع الابرار
يدخل فكر الناس ويحولهم اشرار
يارب نجينا من شر الغدار
واحفظنا فى اسمك نكون ويا الابرار
لمقبرة راح يبيت فيها و يرتاح
ثلاثة ايام يصلى ويطلب بالحاح
الرب يتحنن ويكتب له النجاح
القرار مش سهل ويحتاج لايضاح
ظهر له ملاك قواه وعزاه
ارشده للبرية صحبه وصار معاه
وصلوا المكان فرح لما راه
هنا نام على الصخر واتغطى بسماه
بدا جهاده صوم وصلاة ودموع
نسك وطهارة وسجود بخشوع
يتحمل البرد ويصبر على الجوع
ياكل نصف خبزه ويشرب من الينبوع
مت عن العالم فمك ما داق طعام
عينك ما شافت انسان ناظرةلله دايما
ورجليك الطاهرة ما تركته لحظة
حتى اتقال عنها الارض نالت بركة
لبست ثوب الليف على جسدك النحيف
وصار حمله خفيف عشت غريب و ضيف
ظلام المغارة انار بصلوات البار
تشهد لك بوقار سيرة مملوءة فخار
يا موسي فى البرية يا ايليا الجديد
يا داود الوديع يا يوحنا العتيد
تركت غنى العالم نلت الكنز الاكيد
كان حبك لالهك كل يوم يزيد
بخور طيبك قد فاح ملا الدنيا افراح
لولاك ما نزل مطر ولا ندى يحيي الارواح
وفى اوانه النيل يفيض يروى الارض براح
ومعاك الخير يجى يحتار فيه المداح
لما اراد الله يظهر برك وضياك
ارسل ملاكه للاب انبا انطونيوس هناك
مشى لك يوم بتمام بيطلب رؤياك
فدخلت المغارة وقفلت الباب وراك
صرخ الانبا انطونيوس وقال لك با مبارك
قبلت اليك وحوش اقبلنى لاتبارك
سالت فاعطيت طلبت فوجدت
قرعت وانا اؤمن انه يفتح لى
لما جاء الغروب جه غراب و معاه
خبزايا كاملة لضيف الانبا بولا
قال له انت حبيبه لك دالة عند الله
لى سبعين سنة يرسل نصف خبزة
لما عرف القديس ان الوقت قد حان
يترك العالم والتعب والاحزان
قال للانبا انطونيوس ارجع ديرك الان
هات توب اثناسيوس حامى الايمان
وهو فى الطريق رجع بتوب اليقين
شاف ملايكة تتهلل ولروح البار حاملين
نال ابونا الاكليل بعد جهاد سنين
وكفنه بالثوب وبكى عليه بحنين
لما اراد دفنه اتبارك من جسده
وحالا جاء نمرين سجدوا امام جسده
وحفروا له مكان من بعد الاستئثان
على ربك اتكلت وما احتجت لانسان
طوباك طوباك طوباك عشت على الارض ملاك
الرب اختارك لما شاف قلبك
خدمتك الطيور وحوش تخضع بسرور
دفنتك النمور اسمك صار مزمور
طوباك يا جبيب ايسوس الرب بخرستوس
ربحت العشر وزنات اللى اعطاك القدوس
الوزنة الاولى كان عندك ايمان
ان الرب الديان يحفظ حياتك فى امان
الوزنة الثانية رجاء مع اطمئنان
الرب يعولك زى ما عال شعبه زمان
الثالثة محبة كاملة و محتجبة
كانت الاول حبة كبرت حبة بحبة
الرابعة احتمال عيشة بين الجبال
مين بس اللى قال ده من المحال
الخامسة ما رايت حيوان ابدا و خشيت
لكنك صليت نلت نعمة و قويت
السادسة سلطان على الطبيعة كمان
يا بتول طاهر بحب الهك شبعان
السابعة سامع وصايا الرب و خاضع
وايدك رافع جسدك كله خاشع
الثامنة هارب وللذات سالب
وبيسوع غالب على كل التجارب
التاسعة ممالك تركت لاجل الملك
فى طريقه سالك وعلى قلبك مالك
الوزنة العاشرة ما حلاكى يا وحدة
والثمرة الحلوة لذيذة وطعمة
من ذاقك تحلى له العيشة فى حاله
تتحسن احواله ويرتاح باله
طوباك طوباك طوباك فى السما ويا الهك
نلت النعيم هناك فرحان مع سيدك
انبا بولا يا امين اولادك محتاجين
صلواتك عنهم تحرسهم كل حين
طوباك با انبا بولا يا ساكن المغارة
صارت سماء ثانية بقيت لينا منارة
سيرتك شهية سيرتك نقية
سيرتك تقية لينا منورة
طوباك يا انبا بولا يا حبيب المسيح
يا ضياء منير وجهك حلو ومريح
صلواتك بلسم تشفى القلب الجريح
وصمتك اقوى من كل كلام فصيح
[ www.St-Takla.org ]
__________________________________________________________________________________
© كنيسة الأنبا تكلا هيمانوت الحبشي القس - الإسكندرية -مصر / URL: http://St-Takla.org
/ إتصل بنا على:
