كلمات ترنيمة بليلة بردانة ما فيها نواطير *

تنسيق مختلف من موقع الأنبا تكلا

بلَيلِه بِردانِه         ما فيها نواطير         فيه نجمِه سِهرانِه         سرَّبت بكّير
لِقيِت على بابا         عجقِة صمت جديد         والدّني عم توعا         والتلج مواعيد
أبيض متل الأمل         واسع للمحبّة         كان العتم عابس         صار العتم حلو
وعَ بَيتا الكواكب         صارو ينزَلو         وبالزوايا صارت         الأجراس قناديل
قرَّبِت لَحدّا         سمعِت تراتيل         يا يسوع         يا يسوع
ومِن يوما السلام         توزَّع بالدّني         وكبرِت السعاده         فرحَه ملوَّنه
كرمال البراءة         تعا         كرمال الطفوله         تعا
للّي مشرَّدين         لا رغيف ولا بيت         وناطرين العيد
تعا على بيوتنا         بتِتبارك البيوت         يا فرح البعيد
يا يسوع يا يسوع
يا طفل المغاره         وسِّع المغاره         وطني بردان         رجِّعلو الطهاره
تيرجع مناره         بِعَتم الزمان         من دَفا عينَيك         امسحو بالايمان
وبَشِّر أهالينا         بميلاد الأمان