كلمات ترنيمة يا أرض لفي ودوري حوالين الشمس وعدي *

يا أرض لفي ودوري حوالين الشمس وعدي

لفي السنين واتطويها لفي كما اتعودتي

لا تزويدي سرعتك ولاتجري و تمدي  لا تنقصي خطوتك ولا تنسي وتهدي

وشدي حيلك كمان يا ارضنا شدي هاتي حساب الزمان عدي السنين عدي

فاتت علينا سنه فاتوا علينا اتنين وفاتوا عشره كمان وبعدهم عشرين

فات م السنين عشرات فات م السنين ميات

فاتت سنين وسنين وكمان سنين وسنين مش بس فات الالف لكن كمان ألفين

يا أرض لفي ودوري عدي يا دنيا ودوري هاتي حساب السنين مش بس فات الالف مش بس فات الالف لكن كمان الفين

فاتت على ميلاد المسيح الفين سنه من يوم ما جاه هنا عندنا

من يوم ما جانا واتولد على ارضنا

الفين سنه فاتت على ميلاد المسيح اللي بظهوره في أرضنا قسم التاريخ

وكل اللي قبله تاريخ قديم وقت انتظار كل اللي بعده زمن جديد عهد انتصار

والدنيا كانت ضلمه غطاها الغبار  لكن لما دخل بنوره في التاريخ طلع على الدنيا النهار

في الليله دي ظهرت ملايكه في السماء فوق الغمام تعلن خبر وتقول كلام احلى كلام

قالت انهارده هيتولد بينكم غلام يهدم حصون الشر والخوف والظلام

المجد لله في الاعالي وفي السما وبالمسيح هيحل على الارض السلام

واحنا انهارده بنحتفل تعالى واهتف زينا المجد ليك المجد ليك المجد ليك المجد ليك المجد ليك يا ربنا

فاتت على ميلاد المسيح الفين سنه ولسه عايش وسطنا

لمسة حضوره في قلبنا من يوم ما شرف ارضنا

والعالم كله عامل حفله وفرحان بالعيد والناس قاعدين مستنين حسب المواعيد

بصوا وشوفوا عدوا معايا كم مليون إيد قايدين ليسوع الفين شمعه والكل سعيد