كلمات ترنيمة معنى العيد *

1- لما بابا يطلع الشجرة وألاقي ماما بتحط الزينة

باعرف إن الكريسماس قرب وأعرف إن العيد هايجينا

وافرح أفرح علشان هالبس لبس جديد

وهازور قرايبي وهانتفسح يوم العيد

سانتا كلوز هايجيبلي هدية وبابايا هايديني عيدية

وهاغني مع أصحابي أغنية وهانتبسط قوي أكيد

سانتا كلوز هايجيبلي هدية وبابايا هايديني عيدية

وهاغني مع أصحابي أغنية وهانتبسط قوي في العيد

2- ماما كانت جنبي معدية سمعتني راحت قايلالي

حاجة ماكنتش فيها بافكر حاجة ماجتش في يوم على بالي

زي ما هافرح لازم أفرح غيري كمان

وازاي أكل وأنا من غيري طفل جعان

زي ما باخد لازم أدي المحتاج وإن كان على أدي

واقدم له حاجة من عندي يفرح بيها في يوم العيد

3- نفسي أقول ليسوع يوم عيده شكرًا ليك يا حبيبي يا فادي

زي ما جيت على الأرض فديتي راح أقدم لك قلبي هدية

ساعدني يا يسوع إني أعمل وصاياك

وإني أعيش كل حياتي وعمري في رضاكح

وعشان تبقى حياتي سعيدة لازم أعمل حاجة مفيدة

وأبتدي بيها سنة جديدة هو دا فعلاً معنى العيد