St-Takla.org  >   lyrics  >   ar  >   songs  >   ain
 
St-Takla.org  >   lyrics  >   ar  >   songs  >   ain
أرشيف كلمات الترانيم المسيحية | قاعدة بيانات الأناشيد الروحية على الإنترنت
فهرس الترانيم | ترنيمة مكتوبة | نص الترتيلة

كلمات ترنيمة عمرها ما هاتكون قدام الناس، دي حياتي مع ربنا أسرار *

 

St-Takla.org                     Divider of Saint TaklaHaymanot's website فاصل - موقع الأنبا تكلاهيمانوت

القرار - عمرها ما هاتكون قدام الناس دي حياتي مع ربنا أسرار
وماحدش هايعرفها أبداً وراح تكبر دايماً باستمرار
1- لو تدي واحد محتاج تضرب بوق قدامك ليه
عايز الناس كلها تشوفك تيجي عليك وعليه
لو على الأرض أخدت الأجرة في السما راح تاخد إيه
يا مسيحي لو مسكين وعايز تعطف عليه
يبقى شمالك ماتعرفشي يمينك هاتعمل إيه
دا أبوك هو اللي بيشوفك تدي الفقير في إيديه
2- أدخل بيتك يلا بسرعة وأقفل بابك جوه عليك
خلي صلاتك في الخفاء ارفع لإلهك إيديك
وأقف اتكلم يلا معاه ده يسوع هايفرح بيك
لما تسيب الدنيا بحالها للسما توجه عينيك
مش مهم هاتقول إيه هو عارفك ساكن فيك
ده أبوك اللي بيسمعك وقدام الناس يجازيك
3- أما الصوم ده بيكون في الخفاء هو كمان
أوعى في يوم لما تصوم تعمل من نفسك تعبان
علشان الناس ينبسطوا وقدامهم صايم تبان
لكن إنت وإنت صايم اوعى تبقى في يوم كسلان
أغسل وشك يالا وقوم اعمل خير يا إنسان
دا أبوك هو اللي يشوفك وقدام الناس هاتبان

____________________
*


الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع

https://st-takla.org/lyrics/ar/songs/ain/3omraha.html

تقصير الرابط:
tak.la/5txytbp