يا ما نفسي شهر واحد بس مش عايزه يزيد
يعملوني فيه عميد أو حتي نائب للعميد
كنت أعمل للسكاشن كلها ترتيب جديد
كنت أخلي الشخص يتخرج تقول زي الحديد
كنت أمشّي الشخص منكم ع العجين ما يلخبطوش
كنت أبسَّط في المقرر وأخليكم ماتسقطوش
كنت ألغي قسم جغرافيا ومش ناقصين مضايقة
مُتنا من كُتر المذاكرة ومش لاقيين ذاكراتنا حايقة
من غير الجغرافيا تبقي دراسة الكلية رايقة
مش ظريف الاقتراح ده يخليكم ما تسقطوش
بس أنا يا خسارة عايش وسط ناس ما يقدروش!
لو كانوا يعرفوا مقداري كانوا ما يسيبونيش
يعني لو ما كنتش أعرف المناخ ده استوائي، أبقي جاهل؟!
يعني لو ما كنتش أعرف الجبل ده التوائي، أبقي جاهل؟!
يعني لو ما كنتش أعرف باليوزوي وكينوزوي وميزوزوي أبقي جاهل؟!
ده كلام فارغ صحيح ده مقرر مش مريح
دي مضايقة، دي سماجة! بس لما أبقي عميد
والأمل ده مش بعيد هابقي ألغي كل حاجه
يا ما نفسي شهر واحد بس مش عايزه يزيد
يعملوني فيه عميد او حتي نائب للعميد
كنت اعمل للسكاشن كلها ترتيب جديد
كنت اخلي الشخص يتخرج تقول زي الحديد
كنت امشي الشخص منكم عالعجين مايلخبطوش
كنت الغي قسم جغرافيه و مش ناقصين مضايقه
متنا من كتر المذاكرا و مش لاقيين ذاكراتنا حايقه
من غير الجغرافيه تبقي دراسة الكليه رايقه
مش ظريف الاقتراح ده يخليكم ما تسقطوش
بس انا يا خسارة عايش وسط ناس مايعبروش
لو كانوا يعرفوا مقداري كانوا مايسيبونيش
يعني لو ما كنتش اعرف المناخ ده استوائي ابقي جاهل
يعني لو ما كنتش اعرف الجبل ده التوائي ابقي جاهل
يعني لو ما كنتش اعرف باليوزوي وكينوزوي وميزوزوي ابقي جاهل
ده كلام فارغ صحيح ده مقرر مش مريح
دي مضايقه دي سماجه بس لما ابقي عميد
و الامل ده مش بعيد
ها ابقي الغي كل حاجه
___________________________________
*
أبيات قالها نظير جيد (البابا شنوده الثالث) وهو طالب في السنة
الثانية بكلية الآداب في حفل تكريم العميد.
* شرح كلمات في البيت الرابع قبل الأخير: باليوزوي وكينوزوي
وميزوزوي هي حقبات تاريخ الأرض الجيولوجي: Paleozoic Era -
Mesozoic Era - Cenozoic Era.
*
صور البابا شنودة الثالث
*
كتب البابا شنوده
*
حمل لقصائد البابا شنوده الثالث وإقرأ الأشعار
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
تقصير الرابط:
tak.la/q889jkg
