كلمات ترنيمة يا كنيستنا يا مجيدة، كل ما فيكِ جميل*

تنسيق مختلف من موقع الأنبا تكلا

يا كنيستنا يا مجيدة                        كل ما فيك جميل

جوهرة فى الكون  فريدة                        غالية  ملهاش مثيل

1- البخور فيك  حاوطنا                        فى صعودة للعلا

ع الدوام يرفع صلاتنا                        للمسيح رب  الفداء

يا لطفة و ريحتة حلوة                        تنعش الصدر  العليل

والقلوب تشعر  بنشوة                        لما ناحيتها  يميل

2- يا جمال  المنجلية                        واقفه بين الشمعتين

ليها تتوجه عينى                        فيها بهجة كل عين

بأبقى متهيأ لى انى                        مع الهنا فى أورشليم

فى هدوء بأخد الفوائد                        مع كلام ربى العظيم

3- الصور قدام عينينا                        ليها ننظر فى حنين

جايبة للحاضر ماضينا                         و الآباء القديسين

آدى بينا مارجرجس                         مثل الجندى الشجاع

آدى بينا أنبا أنطونيوس                        أب لكل الرهبان

4- جوك الرايق منور                        لة هادى مريح

لما بنشوفة بنفكر                        فى جمال نور  المسيح

السما أنت و باين                       فى أعاليك نجوم

السما أنت ولكن                      عمر ماتجيلك غيوم

5- يا كنيستنا مهما أشرح                       فى كلام وافى طويل

مستحيل أنى أوضح                       كل حسنك   مستحيل

كل ناحية روعة فيك                      كل شئ معناه  جليل

والبيان من مجاميعه                       عمرة ما يشفى  الغليل