|
|
ترنيمة شربل حبيب الشبيبة *
نوَّر زماني مارِ شربِلْ نَوَّر
ضَوَّى الشبيبِه حَتَّى ما تِتْهَوَّر!
ببقاعِ كَفرا أعلى ضيعَه عِنّا
شربِل عَلامه لكِل واحِد مِنّا
وكِلّ الشبيبِه رِفِقْتو بْتِتْمَنّا
الشَّبِ المِثالي أحلى ما بِتصوّر
شربِل بسرِّ الخلق شاغِل بالو
وكلّ يَوم يسأل هالجبال قْبالو
ويناجي أرز الربّ فوق جبالو
ويقرا جوابو بوِجّ بَدر منَوَّرْ
شربِل قرارو مِن إيمانو نابِع
دَربِ القداسِة من الطفوله تابِعْ
عَزمو وشبابو بْلَونِ أخضَر طابِع
الله حَبيبو بنصّ قلبو مْصَوَّر
يا مار شربِل للشبيبه قِلاّ:
ما فيها تبني الكون إلاّ بأللَّه
إنت العلامِه للشبيبه كِلاّ
ويَلّي وراكِ بْيِمْشي... ما بِيِتْهَوَّر!
نَوِّر زَماني مارِ شربِل نَوِّرْ
ضَوّي الشبيبِه حتّى ما تِتْهَوَّر!
___________
كلمات الأب يوحنّا خوند
[ www.St-Takla.org ]
__________________________________________________________________________________
© كنيسة الأنبا تكلا هيمانوت الحبشي القس - الإسكندرية -مصر / URL: http://St-Takla.org / إتصل بنا على:
