أرشيف كلمات الترانيم المسيحية و الأناشيد الروحية على الإنترنت

ترنيمة أمي..  سيبتيني ليه؟! *

اسمحي لي يا أمي أقول لك .. إني ابنك .. اتاخدت .. أيوه منك

ليه سمحتي إني اتسرق من جوه حضنك

سبتيني ليه .. للذئاب .. للعذاب .. للسراب

وانتي عارفة إني ضعيف .. زي الضباب .. ومن تراب

إبنك أنا .. وحشاني يا أما ومن غيرك ضايع أنا

سبتيني ليه للتانيين ولنفسي أنا

 

في يوم ما بعدت عني .. قلبي عليك انفتر

يا ابني يا حتة مني .. عيني بتنزف مطر

 

مين قال يا ابني إني سبتك .. مين قال إني تركتك

دا انت إللي اخترت بعدك .. وسبتني بإرادتك

غروك بإيه يا ابني .. وخدعوك خلوك تسيبني

ويا ترى مرتاح دلوقتي .. وانت بعيد عن حضني

الوقت مش وقت عتاب .. وف قلبي وقلبك ألم وعذاب

المهم عندي  .. هو أنت يا ابني

مش مهم مين فينا إللي ساب

________________________________________________________________
* كلمات: وحيد زكي - ألحان: وحيد ذكي - كنيسة العذراء والشهيد أبانوب، منشأة ناصر، القاهرة

[ www.St-Takla.org ]