أرشيف كلمات الترانيم المسيحية و الأناشيد الروحية على الإنترنت

ترنيمة زيت القونة بعيوني شفتو

زيت القونة بعيوني شفتو يا ريت
بتصير عيوني قونة ودموعي زيت
* * * * * * *
زيتك يا عدرا خلاّ غصن الزيتون
معلاّ والحبّ مدلاّ من أحلى غصون
كل مين لـ الله صلاّ خيّي بيكون
وكل مين صلِّت لـ الله بتصفّي خيْت
* * * * * * *
عمت مسيت في هالبيت صفّى من الصورة سما الإلهام صفّى
المؤمن كاسة الإيمان صفّى وركع قدام هالصورة قربان
* * * * * * *
بالريح الشرّ تقوّى وهبوب الريح
لوّى الإنسان ولوّى زهور التسبيح
فزّعنا العتم وسوّى القنديل شحيح
وزيتك وحده اللي ضوّى قنديل الزيت
* * * * * * *
ياما بسنين المحنة كنت المغلوب
وياما ضعفي بيجرحني وبنسى المصلوب
امسحني بالزيت امسحني ت إرجع توب
حتى يعود يفرّحني الزيت بهالبيت

[ www.St-Takla.org ]