|
|
شِعر: دموع البابا*
دموعك يا بابا دي غالية علي دموعك وحزنك ده كله على
تفديك ألوف وأفديك معاهم ولا أشوف جفونك دمعك ملاهم
وكل ده ليه يا بويا الكبير من خوفك على في وقتي المرير
روحاني ووطني ملكش مثيل محب لشعبك بقلب خليل
دموعك ما نزلت دي طلعت لفوق لرب الكنيسه فأرسل لي طوق
جواك كلام في قلبك وآنين بس قلت تسكت وتسيب المعين
درس لي ولولادك أجمعين أخدته منك يا راعينا الأمين
لو التجربه جامدة والحل مستحيل سيب المسيح يشتغل ويجهز الإكليل
دموعك يا بابا دي صحت بلادك والمسيح بصلاتك يحفظهم ولادك
دموعك دي خلت حياتي فداك أموت وأحيا شهيد في حماك
دموعك دي خلت جيوش السماء تنزل تحامي لأب الآباء
دموعك دي خلت عيوني تشوف حمايه وملايكه الوف الوف
دموعك يا بابا دي غاليه على دموعك وحزنك ده كله على
تفديك ألوف وافديك معاهم ولا اشوف جفونك دمعك ملاهم
_________________
* ماجد سوس - 30 اكتوبر2005
[ www.St-Takla.org ]
__________________________________________________________________________________
© كنيسة الأنبا تكلا هيمانوت الحبشي القس - الإسكندرية -مصر / URL: http://St-Takla.org / إتصل بنا على:
