كلمات ترنيمة جاي قلك نيالك | كنتِ البنت المطيعة *

تنسيق مختلف من موقع الأنبا تكلا

كنتِ البنتِ المطيعة، سلّمتِ قلبك للربّ

صرتِ الإمّ الشفيعة، إنتِ يا مدرسة الحُبّ

جايي إلّك نيّالِك، إسمِك بالسما مطبوع

ويا عدرا من قبالك ودّي صلاتي ليسوع

1- إنتِ اللّي قبلتِ المِخفي، وقاومتِ أفكار الناس

ودّيلو يشفي نتفي من الأوجاع الما بتنقاس

إنتِ القدّمتيلو العُمر، وقدّملِك ساعة مجدو

قوليلو ما عندن خَمر، وما إلنا غيرو وحدو

2- عَ الربّ الضايع منِّك، برّمتِ ليالي وساعات

قولي من السما لإبنك، ضيّعناه بهالحياة

إنتِ اللّي شفتِ دمّو، مغطّالو جِسمو العريان،

بعدو بيسمع من إمّو، قوليلو يِمحي الأحزان